Kriza te Juventusi: Kolo Muani zhgënjen, Spalletti kërkon sulmues të ri në janar

Pavarësisht bujës së madhe që shoqëroi transferimin e tij nga PSG-ja për 90 milionë euro, aventura e Randal Kolo Muanit te Juventusi nuk po prodhon pritshmëritë e larta të vendosura në nisje të këtij sezoni. Sulmuesi francez ka arritur të lërë shenjë vetëm me tre gola dhe dy asiste deri në këtë fazë të garës, një bilç konsideruar i pamjaftueshëm për peshën e fanellës bardhezi. Në këto rrethana, trajneri Luciano Spalletti i ka kërkuar drejtorëve të klubit që të ndërhyjnë në merkaton e dimrit për të siguruar një tjetër profil në repartin e avancuar. Sipas raportimeve të mediave italiane, drejtuesit e torinezëve kanë piketuar tashmë disa alternativa, ku spikasin emri i 22-vjeçarit të Frosinones, Antonio Raimondo, norvegjezi 30-vjeçar i Atletico Madridit, Alexander Sorloth, si dhe sulmuesi amerikan i Monacos, 25-vjeçari Folarin Balogun. Megjithatë, lëvizja e ardhshme në merkato do të kushtëzohet nga aspekti financiar, pasi klubi po menaxhon një buxhet të ngushtë, të ndikuar ndjeshëm pikërisht nga investimi i dështuar për Kolo Muanin. Përtej dëmshpërblimit të majmë që u derdh në arkat e parizienëve për kartonin e tij, sulmuesi përfitojë aktualisht një nga pagat më të larta në Torino, që kap shifrën e rreth 5.5 milionë eurove në sezon.