“Boll më me këto tragjedi!” Thirrja prekëse e hoxhës në varrimin e Arlinda Zekajt

Gjatë ceremonisë mortore të Arlinda Zekajt, e cila u vra tragjikisht nga kunati i saj, një hoxhë local ka përcjellë një mesazh të fuqishëm dhe apel emocional drejtuar mbarë opinionit publik në Kosovë. Duke vënë theksin te nevoja urgjente për drejtësi, ai bëri thirrje të fortë që ngjarje të tilla tronditëse të marrin fund një herë e përgjithmonë, duke e cilësuar shuarjen e një jete njerëzore si një akt të shkallës më të lartë të ligësisë dhe marrëzisë. “Arlinda lypi mbrojtje, s’pat mbrojtje. Drejtësia ta qet fjalën e vet. E kam një lutje, lutje te Zoti, lutje te popullit: BOLL MA. Nuk vrahet njeri. Moti pleqtë tonë na kanë thanë, është ligësi e marrëzi. I lutem Zotit që ky rast të jetë i fundit”, u shpreh ai gjatë fjalës së tij.