Dimri i hershëm në Kukës: Temperaturat bien ndjeshëm, dëbora zbardh zonat malore

Kryeqadri i veriut është përfshirë nga ndryshime të menjëhershme të motit, pasi rënia e theksuar e temperaturave ka bërë që reshjet e shiut të shndërrohen në dëborë në disa zona malore të qarkut të Kukësit. Sipas të dhënave nga terreni, flokët e parë të dëborës kanë mbuluar fshatrat e vendosura në lartësi mbidetare mbi 1 000 metra. Bëhet fjalë për vendbanime si Novoseji, Shishtaveci, Borja, Turaji, Brekija dhe Zapodi, ku peizazhi ka marrë tashmë pamje dimërore. Pavarësisht reshjeve, autoritetet bëjnë me dije se situata paraqitet e qetë dhe deri më tani nuk është raportuar për asnjë problematikë në qarkullimin e automjeteve apo në furnizimin e banorëve. Intensiteti i reshjeve ka krijuar një shtresë të bardhë, e cila në disa zona ka arritur një trashësi deri në 5 centimetra.