Mesazhi motivues i Harry Kane, sulmuesi i Kombëtares reagon në rrjetet sociale

Anis Mehmeti, sulmuesi i Kombëtares shqiptare, ka tërhequr vëmendjen me një postim të fundit në rrjetet sociale, ku ka ndarë një thënie me peshë për ndjekësit e tij. Futbollisti ka ripostuar shprehjen: "Puno shumë në heshtje, le të jetë suksesi zhurma jote", duke marrë si burim frymëzimi postimin e Harry Kane, fituesit të "Topit të Artë" për vitin 2026. I njohur për natyrën e tij të tërhequr në rrjetet sociale dhe mungesën e vetë-reklamimit, Mehmeti ka dëshmuar gjithmonë përkushtim maksimal në fushën e blertë sa herë i është besuar fanella. Përkushtimi i tij nuk ka munguar as në nivel klubesh, ku te Ipswich Town ende është në pritje të hapësirave në Premier League, megjithëse la gjurmë në Kupën e Ligës këtë edicion duke i shënuar Arsenalit. Ndërkohë, kontributi i tij ka qenë i ndjeshëm edhe me fanellën kuqezi, ku ka gjetur rrugën e rrjetës në Ligën e Kombeve. Ai u dallua me paraqitje mjaft pozitive edhe në sfidën ndaj Finlandës, pavarësisht se rezultati përfundimtar shënoi humbjen 1:2 për Shqipërinë.