Plani i fshehtë i Barcelonës: Gjiganti katalanas synon yllin e Premier Ligës për verën e vitit 2027

Klubi i Barcelonës ka nisur nga puna për të skicuar lëvizjet e bujshme në merkaton e verës që do të hapet në vitin 2027, duke shënjestruar një talent të spikatur në futbollin anglez. Në qendër të vëmendjes së drejtorit sportiv Deco është vënë sulmuesi i Bournemouthit, Eli Junior Kroupi, për të cilin klubi spanjoll ruan një interesim të thellë dhe konkret. Për momentin, 20-vjeçari francez po kalon fazën e rikuperimit pas një dëmtimi të rëndë në gjymtyrë, ndërsa kujtohet se gjatë edicionit të kaluar arriti të tundi rrjetën 13 herë në 35 paraqitje në Premier Ligë. Interesimi i “blaugranëve” nuk është i ri, pasi ata kishin provuar ta siguronin shërbimet e tij edhe gjatë merkatos së verës së shkuar, mirëpo dy propozimet e dërguara në zyrat e Bournemouthit u refuzuan prerazi. Tashmë, drejtuesit e klubit nga Camp Nou kanë vendosur ta monitorojnë me kujdes hapat e parë të sulmuesit pas rikthimit në fushat e blerta, para se të marrin një vendim përfundimtar për një tjetër sulm drejt transferimit të tij në La Liga.