Goditje e rëndë për Paris Saint-Germainin: Kvaratskhelia operohet me sukses dhe mbyll para kohë sezonin

Ylli i Paris Saint-Germainit, Khvicha Kvaratskhelia, i është nënshtruar një ndërhyrjeje kirurgjikale të suksesshme, pasi ka pësuar dëmtim të rëndë në gju, duke u detyruar të braktisë fushat për pjesën e mbetur të këtij sezoni. Operacioni është kryer në klinikën e njohur “Aspetar” në Doha të Katarit, pasi futbollisti kishte pësuar këputje të ligamentit të kryqëzuar të përparmë të gjurit të djathtë. Tashmë, për anësorin e talentuar nis faza e gjatë e rehabilitimit me synimin për t'u rikthyer edhe më i fortë në fushën e blertë. Kujtojmë se ky dëmtim fatkeq erdhi gjatë duelit të zjarrtë kundër Barcelonës, i vlefshëm për fazën e Ligës e Kampionëve.