Zbardhen detaje të reja: Arsenal armësh sekuestrohet në shtëpinë e të dyshuarit për vrasjen e Arlinda Zekajt

Policia e Kosovës ka bërë publike të dhëna të reja hetimore lidhur me ngjarjen e rëndë të vrasjes së Arlinda Zekajt në qytetin e Pejës, ku gjatë operacionit në terren është zbuluar një sasi e konsiderueshme armatimi. Sipas raportimeve zyrtare të autoriteteve renditëse, më 25 tetor 2026, rreth orës 21:02, në fshatin Vitomiricë të Pejës, gj kontrollit të ushtruar në banesën e të dyshuarit, është arritur që të sekuestrohen një numër i madh armësh dhe pajisjesh ushtarake e mjetesh të ftohta. Gjatë bastisjes, njësitet policore kanë konfiskuar një pushkë gjuetie, 153 copë fishekë, karikatorë të ndryshëm, pjesë përbërëse të armëve, tri thika, një bajonetë, 115 gëzhoja plumbash, si dhe një sëpatë. “Në fshatin Vitomiricë të Pejës, më 25.10.2026, në orën 21:02, në kuadër të hetimeve për rastin, gjatë kontrollit të shtëpisë së të dyshuarit mashkull kosovar, janë gjetur dhe sekuestruar: një pushkë gjuetie, 153 fishekë, disa karikatorë, pajisje të ndryshme të armës, tri thika, një bajonetë, 115 gëzhoja dhe një sëpatë. Hetimet lidhur me këtë ngjarje vijojnë”, thuhet në njoftimin e Policisë. Ndërkohë, për këtë ngjarje tragjike, Policia e Kosovës ka shpallur në kërkim zyrtar personin e dyshuar, Albert (Sylejman) Sylaj, i cili po kërkohet nën dyshimin e bazuar për kryerjen e veprës penale “Vrasje e rëndë”. I dyshuari, i cili ka lindur më 12 dhjetor 1984 në Deçan, sipas informacioneve policore është kunati i viktimës Arlinda Zekaj, ndërsa ende vazhdon të gjendet në arrati dhe intensivisht po kërkohet nga organet e rendit.