Aksident rrugor në Fier: Automjeti përplas këmbësoren, ja pasojat në trafik

Një ngjarje e pakëndshme është shënuar gjatë orëve të mëngjesit të kësaj të diele në qytetin e Fierit, konkretisht në zonën pranë Drejtorisë Vendore të Policisë. Sipas informacioneve zyrtare, një makinë e markës “Volkswagen” ka goditur një kalimtare teksa ajo po përpiqej të kalonte rrugën. Për pasojë të goditjes, gruaja ka pësuar dëmtime fizike dhe është dërguar menjëherë me autoambulancë drejt Spitalit Rajonal të Fierit për të marrë ndihmën e nevojshme mjekësore. Burime spitalore bëjnë me dije se e dëmtuara ndodhet nën kujdesin e bluzave të bardha dhe jashtë rrezikut për jetën. Ndërkohë, efektivët e qarkullimit rrugor kanë mbërritur menjëherë në vendin e ngjarjes dhe po punojnë intesivisht për të zbardhur shkaqet dhe dinamikën e plotë të këtij aksidenti. Si pasojë e këtij incidenti, qarkullimi i automjeteve ka pësuar bllokim të përkohshëm dhe vështirësi në të dyja krahët e lëvizjes.