Magji e Ernest Muçit në Turqi, sulmuesi shqiptar ndez përmbysjen e madhe të Trabzonsporit me dy asistime rresht

Ernest Muçi ka rrëmbyer skenën në elitën e futbollit turk, duke u shndërruar në lojtarin kyç të sfidës mes Trabzonsporit dhe Rizesporit, e vlefshme për javën e nëntë të Superligës së Turqisë, ku ka dhënë dy asistime vendimtare. Pjesa e parë e ndeshjes nuk nisi aspak sipas planit për skuadrën e Trabzonsporit, e cila u ndodh nën presionin e një disavantazhi të dyfishtë. Rizespori arriti të krijojë epërsinë falë dy golave të shënuar nga Gennaro Borrelli, respektivisht në minutën e 12-të dhe të 32-të të fraksionit të parë. Megjithatë, sfida mori një rrjedhë krejtësisht tjetër pas rikthimit nga dhomat e zhveshjes, ku Trabzonspori ndërmori një reagim të fuqishëm, duke barazuar shifrat brenda një kohe rekorde prej vetëm dy minutash. Sinjalin e parë të kthesës e dha Melih Kabasakal në minutën e 49-të, i cili ngushtoi diferencën e rezultatin pasi përfitoi nga një pasim perfekt i dhënë nga anësori shqiptar. Pa kaluar as pak çaste, Muçi konfirmoi formën e shkëlqyer duke u bërë sërish protagonist absolut. Ai dhuroi asistimin e radhës për Aral Şimşir, i cili në minutën e 51-të dërgoi topin në rrjetë, duke vendosur baraspeshën e plotë në fushë dhe duke kompletuar rikthimin e jashtëzakonshëm të skuadrës së tij.