Kthehet Jasir Asani? Mediat iraniane paralajmërojnë surprizën për Kombëtaren kuqezi

Jasir Asani pritet të vishet sërish kuqezi dhe t'i bashkohet Kombëtarja shqiptare, sipas informacioneve të fundit që vijnë nga Irani. Gazetari Erfan Hoseiny e bërë publike këtë zhvillim surprizë më 26 tetor. Ky lajm vjen vetëm tri ditë pasi sulmuesi anësor la gjurmë duke shënuar gol në barazimin 1-1 të skuadrës së tij, Esteghlal, përballë Chadormalu. Kujtojmë se anësori shfaqi reagimin e tij pasi mbeti jashtë llogarive për ndeshjet e muajve shtator dhe tetor nga stafi teknik. Megjithatë, skenari mund të ndryshojë në muajin nëntor për sfidat e radhës në Ligën e Kombeve, çka do të shënonte edhe bashkëpunimin e tij të parë nën urdhrat e trajnerit aktual. Gjatë kësaj kohe, Përfaqësuesja e Shqipërisë ka shfaqur disa vështirësi në krahun e djathtë të repartit ofensiv, pasi asnjë prej lojtarëve të aktivizuar në katër takimet e fundit nuk e kishte atë pozicion si vendin e tyre natyral. Edhe pse Sabah Kerjota ishte i vetmi sulmues i djathtë i mirëfilltë i grumbulluar, ai i ndoqi të gjitha sfidat nga tribuna.