Lajm i hidhur për Dj Dagz, ndërron jetë babai i tij

Një ngjarje e rëndë dhe e dhimbshme ka goditur familjen e njohur të artistit Arkimed Lushaj, i njohur gjerësisht si Dj Dagz, i cili ka ndarë me ndjekësit dhe opinionin publik lajmin për një humbje të madhe në familje. Nëpërmjet një njoftimi, ai ka bërë të ditur se i ati i tij, i cili po trajtohej prej kohësh në spital për shkak të problemeve shëndetësore, nuk ka mundur t'i mbijetojë betejës dhe ka ndërruar jetë. Ndërkohë, sa i takon ceremonisë mortore, Dj Dagz ka njoftuar se lamtumira e fundit për të atin do të jepet ditën e nesërme. Të gjithë familjarët, miqtë dhe të afërmit do të kenë mundësi të bëjnë homazhet dhe të marrin pjesë në ritualin e varrimit, i cili do të zhvillohet në varrezat e qytetit të Vushtrrisë, konkretisht në fshatin Begaj.