Nga rivaliteti i viteve më parë te "mënjanimi" në Instagram: Ingrit Gjoni tregon se si qëndron e vërteta me Çiljeta Xhilagën

Këngëtarja e njohur Ingrit Gjoni ka qenë e ftuara më e fundit në emisionin "Live me Luizin", ku zhvilloi një bisedë të ngrohtë me fituesin e edicionit të dytë të "Big Brother VIP Albania", Luiz Ejlli. Gjatë kësaj interviste, artistja ndau detaje mjaft me interes rreth karrierës dhe marrëdhënies së saj me kolegen e hershme, Çiljeta Xhilagën. Përmes një loje me fotografi të përgatitur nga moderatori, ku Ingritit i duhej të gjente personazhet vetëm nëpërmjet përshkrimeve të Luizit, vëmendja u ndal te fotoja e Çiljetës. I ngacmuar nga kjo e fundit, Ejlli e pyeti këngëtaren nëse miqësia e tyre i ka rezistuar sprovës së kohës dhe pse publiku i ka parë gjithmonë si dy rivale në skenë. Lidhur me konkurrencën e dikurshme, Gjoni sqaroi se në fillimet e tyre rivaliteti ishte real në aspektin profesional, pasi ato performsionin në të njëjtin treg dhe konkurronin drejtpërdrejt për mbrëmjet muzikore nëpër klube. Ndërsa sa i përket raportit personal sot, ajo pohoi se shoqëria e tyre ka rezistuar, megjithëse me disa shmangie të vogla, pasi Çiljeta ka krijuar edhe rrethe të tjera miqësore me të cilat zgjedh të kalojë pushimet. E pyetur për arsyen pse nuk e ndjek më kolegën e saj në rrjetet sociale, këngëtarja tregoi me humor se e ka hequr nga Instagrami pikërisht sepse i ka mbetur qejfi që nuk shkuan së bashku për pushime. Megjithatë, ajo nërmjet batutave zbuloi se raporti i tyre mbetet i shkëlqyer në jetën reale, duke treguar se vetëm dy ditë më parë kishin konsumuar një darkë së bashku dhe se Çiljeta i kërkon me shaka t'i bëjë sërish "follow" për të shmangur aludimet e medias.