Kthehemi pas në kohë: Fillon zyrtarisht ora dimërore

Kemi hyrë zyrtarisht në periudhën e kohës dimërore. Gjatë orëve të para të mëngjesit, saktësisht në orën 03:00 pas mesnate, akrepat e orës u lëvizën një orë mbrapsht, duke shënuar orën 02:00. Ky ndryshim i kohës ndodh rregullisht çdo vit gjatë fundjavës së fundit të muajit tetor, duke u zbatuar natën ndërmjet së shtunës dhe së dielës. Ky regjim i kohës dimërore do të mbetet në fuqi deri në fundjavën e fundit të marsit 2027, periudhë në të cilën akrepat do të kthehen sërish një orë përpara. Vlen të përmendet se Komisioni Evropian pati paraqitur një propozim për shfuqizimin e ndryshimeve sezonale të kohës që në vitin 2018. Megjithatë, mungesa e një konsensusi mes palëve bëri që kjo praktikë të mbetet në fuqi, duke kërkuar ende lëvizjen e akrepave të orës dy herë brenda vitit.