Aksident i rëndë në Pejë: Pacienti në gjendje kritike transferohet urgjentisht në QKUK

Një person ka pësuar lëndime të rënda trupore si pasojë e një aksidenti trafiku që ka ndodhur në zonën e Pejës. Bëhet fjalë për një qytetar të gjinisë mashkullore, të lindur në vitin 1972, i cili pasi ka marrë ndihmën e parë mjekësore në spitalin rajonal të Pejës, është nisur me urgjencë drejt Qendrës Klinike Universitare të Kosovës (QKUK). Sipas stafit mjekësor, i lënduari është pranuar në spital me lëndime të rënda të shumëfishta (politraumë) dhe gjendja e tij shëndetësore vazhdon të mbetet e paqëndrueshme. Aktualisht, ekipet mjekësore në Qendrën Emergjente (QE) po kryejnë të gjitha analizat dhe ekzaminimet e duhura, ndërsa sapo të arrihet një farë stabilizimi i parametrave jetësorë, ai pritet të transferohet për trajtim të mëtutjeshëm në Mjekimin Intensiv Qendror (MIQ).