Humbje jete në Prishtinë dhe Graçanicë: Gjenden të pajetë dy persona në banesat e tyre

Dy raste të rënda janë regjistruar gjatë 24 orëve të fundit në rajonin e Prishtinës dhe në Graçanicë, ku dy persona janë gjetur pa shenja jete në vendbanimet e tyre, bën të ditur Policia e Kosovës në raportin e saj të përditshëm. Rasti i parë është shënuar në kryeqytet, përkatësisht në rrugën "Vicianum", ku stacioni policor është alartuar nga shërbimi i emergjencës rreth orës 07:43. Me të arritur në lokacion, është konstatuar se një mashkull kosovar është gjetur i pajetë brenda banesës së tij. Ndërkaq, një ngjarje me rrethana të ngjashme është raportuar edhe në komunën e Graçanicës, ku një tjetër mashkull është gjetur pa shenja jete brenda shtëpisë ku banonte. Për të dyja rastet, me urdhër dhe vendim të prokurorit kujdestar, trupat e pajetë janë dërguar në Institutin e Mjekësisë Ligjore (IML) për obduksion, procedura këto që do të ndihmojnë në zbardhjen e plotë të shkaqeve të vdekjes.