Nipi i Rexhep Selimit vishet me uniformën e FSK-së, dallon mes rekrutëve të rinj

Forca e Sigurisë së Kosovës ka shtuar radhët e saj me 515 ushtarë të rinj, të cilët kanë dhënë betimin zyrtar në një ceremoni solemne. Mes gjeneratës më të re të rekrutëve është dalluar edhe Arlind Selimi, nipi i ish-udhëheqësit të Ushtrisë Çlirimtare të Kosovës, Rexhep Selimi. Lajmin për këtë ngjarje e ka bërë të ditur deputetja e Kuvendit të Kosovës nga radhët e Lëvizjes Vetëvendosje, Shqipe Mehmeti-Selimi. Përmes një postimi publik, ajo ka veçuar suksesin e Arlindit, duke bërë të ditur se ai ka shfaqur rezultate të larta në aspektin akademik gjatë gjithë periudhës së trajnimit ushtarak.