Alarm te Bayern Munich: Trajneri Vincent Kompany dërgohet me urgjencë në spital

Problemet shëndetësore për trajnerin e Bayern Munichut, Vincent Kompany, kanë marrë një kthesë serioze, pasi 40-vjeçari është transportuar me urgjencë drejt spitalit ditën e premte. Skena dramatike janë regjistruar që në orët e para të mëngjesit të kësaj të premteje, kur një helikopter mjekësor është ulur në kompleksin stërvitor të klubit në “Sabener Strasse”. Kujtojmë se tekniku belg ishte përballur më parë me probleme shëndetësore, pasi ishte prekur nga një infeksion viral, i cili duket se ka lënë pasoja në gjendjen e tij.