Revolucion në futbollin e femrave: SHBA do të organizojë Kupën e Botës për Klube në vitin 2028

Shtetet e Bashkuara të Amerikës janë caktuar zyrtarisht nga FIFA si nikoqire të edicionit historik inaugural të Kupës së Botës për Klube në futbollin e femrave, një ngjarje kjo që do të zhvillohet nga 5 deri më 30 janar 2028. Ky kompeticion prestigjioz do të jetë një ngjarje katërvjeçare dhe në të do të marrin pjesë gjithsej 19 skuadra elitare nga të gjitha kontinentet e globit. Deri më tani, shtatë klube i kanë bërë të sigurta vizat e pjesëmarrjes, duke përfshirë Barcelonën, Arsenalin, Gotham FC, Corinthians, Club América, Wuhan Jiangda dhe Naegohyang, kurse 12 pozicionet e mbetura do të përcaktohen përmes eliminatoreve kontinentale. Sa i përket ndarjes së kuotave, kontinenti i vjetër, Evropa, do të dominojë me numrin më të lartë të përfaqësueseve, duke siguruar gjithsej gjashtë vende në këtë turne global. Krahas këtij hapi të madh historik, shtëpia e futbollit botëror ka bërë publike edhe skemën e re të mbështetjes financiare për Kampionatin Botëror të Femrave 2027 që do të mbahet në Brazil. Çdo federatë pjesëmarrëse do të përfitojë fondin prej 2.5 milionë dollarësh vetëm për ftesën e përgatitjeve — një shumë kjo e barabartë me atë të rezervuar për kombëtaret e meshkujve — ndërkohë që një pjesë e të ardhurave të gjeneruara do t'u shpërndahet në formë premiash drejtpërdrejt vetë futbollisteve.