Trashëgimia e një legjende: Si kërkon Lionel Messi të mbetet në kujtesën e tifozëve

Në prag të mbylljes së një karreiere të jashtëzakonshme, ylli argjentinas Lionel Messi ka zbuluar se si dëshiron të kujtohet nga publiku në të ardhmen. Gjatë një interviste të dhënë për agjencinë e lajmeve EFE, sulmuesi shtjelloi vizitën e tij mbi trashëgiminë që lë pas në botën e sportit. “Dua të mbahem mend si një sportist i madh, i cili gjithmonë ka luftuar për të arritur qëllimet dhe ëndrrat e tij,” u shpreh 39-vjeçari, i cili tashmë i ka dhënë lamtumirën fanellës së kombëtares së Argjentinës pas muajit qershor. Ndërsa hapat drejt tërheqjes përfundimtare nga fushat e blerta po bëhen çdo ditë e më të dukshme, rrugëtimi i tij mbetet i lidhur ngushtë me dy shtylla kryesore: kombëtaren e tij dhe Barcelonën. Për klubin katalanas, ai thekson se lidhja shkon përtej normales: “Është e vështirë të shpjegosh se çfarë do të thotë Barcelona për mua.” “Kam një dashuri të veçantë si për qytetin, ashtu edhe për klubin,” shtoi ai, duke evokuar vitet e arta në Spanjë. “Kemi pasur fatin të fitojmë gjithçka, jo vetëm për atë që kemi arritur, por edhe për mënyrën se si e kemi arritur,” theksoi fituesi i Topit të Artë. Sipas sulmuesit aktual të Inter Miami, vlera më e madhe fshihej tek emocionet e përbashkëta: “Gjithashtu, për kënaqësinë e madhe që kemi ndjerë duke luajtur së bashku.” “Kjo ishte gjëja më e rëndësishme: të shijoje detajet e vogla të jetës së përditshme, seancat stërvitore dhe momentet e mrekullueshme që kemi ndarë,” shton më tej ikona e futbollit botëror. Duke reflektuar mbi sfidat e jetës së tij profesionale, Messi përfundon: “Ndonjëherë ia dilja të arrija atë që i vija vetes si qëllim, e herë të tjera jo… por nuk kam pushuar kurrë së përpjekuri për të fituar gjithçka që kisha përpara”.