Tragjedi në Detin e Zi: Anija sulmohet nga dronët pranë brigjeve rumune, viktimë dhe të zhdukur

Një sulm me dronë ka goditur një anije rreth 25 kilometra larg portit të Konstancës në Rumani, në ujërat e Detit të Zi, duke lënë pas viktima dhe dëme të rënda. Autoritetet rumune ndërmorën menjëherë një operacion shpëtimi pasi anija dha sinjalin e emergjencës për ndihmë nga një pozicion 13 milje detare larg bregdetit të Konstancës. Sipas të dhënave zyrtare, mjeti lundrues i quajtur Khoryv kishte në bord një ekuipazh prej 13 personash, me shtetësi nga Ukraina dhe Azerbajxhani. Ekipet e shpëtimit arritën të nxjerrin nga uji nëntë të mbijetuar, ndërkohë që u konfirmua vdekja e një personi. Tre anëtarë të tjerë të ekuipazhit rezultojnë ende të zhdukur, ndërsa raportimet tregojnë se anija është mbytur pas goditjes. Operacioni i shpëtimit u vështirësua jashtëzakonisht shumë për shkak të kushteve të pafavorshme atmosferike dhe dukshmërisë së ulët, duke pamundësuar ndërhyrjen e helikopterëve. Ky incident shënon zhvillimin e fundit në një seri ngjarjesh shqetësuese në Detin e Zi, ku gjatë javëve të fundit janë shënuar sulme me dronë ndaj anijeve pranë brigjeve të Rumanisë dhe Bullgarisë.