Pedri jep alarmin para El Clasicos: Ndeshja me Realin është shtysa jonë më e madhe

Për mesfushorin e Barcelonës, Pedri, superderbi ndaj Real Madridit shërben si nxitja kryesore për skuadrën katalanase, e cila synon kthesën e menjëhershme pas pengesës që pësoi në Ligën e Kampionëve kundër Paris Saint-Germain. Katalanasit regjistruan disfatën e parë për këtë edicion, pasi u mposhtën me rezultatin 4:2 nga PSG-ja në kryeqytetin francez mbrëmjen e së martës, duke mbyllur kështu serinë e ndeshjeve pa treguar humbje. Megjithatë, vëmendja e të besuarve të Hansi Flick tashmë është e kthyer plotësisht te El Clasico, e cila do të luhet të dielën në kuadër të xhiros së 10-të në La Ligë. Nëpërmjet një postimi në llogarinë e tij zyrtare në Instagram, futbollisti spanjoll ka shfaqur bindjen e plotë se gjiganti katalanas zotëron potencialin e duhur për të dhënë përgjigjen e merituar në një prej dueleve më kyçe të sezonit. “Kthimi drejt fitores në ElClasico është një sfidë e madhe dhe motivimi më i madh. Përballë PSG-së ne garojmë, përballë një rivali të madh dhe në një skenë të shkëlqyer, dhe ne e dimë rrugën. Ne kemi besim dhe kemi futboll. Ja ku jemi!”, ka shkruar mesfushori spanjoll. Ekipi i Barcelonës kërkon të shfrytëzojë maksimalisht epërsinë e fushës vendase për të arkëtuar tri pikët e radhës përballë armikut të përbetuar. Trupa e trajnerit Hansi Flick ka arkëtuar nëntë fitore radhazi në fillimin e këtij sezoni kampionar, teksa synon ruajtjen e kësaj ecurie pozitive edhe në takimin e së dielës. Një triumf i mundshëm do t'i garantonte Barcelonës shansin për ta çuar në nëntë pikë distancën e epërsisë ndaj Real Madridit, sipas statistikave të bëra publike nga GOAL. Në krahun tjetër, skuadra madrilene zbarkon në këtë përballje pas triumfit bindës 4:2 ndaj RB Leipzigut në mesjavë, duke synuar një rezultat favorizues për të penguar shkëputjen e rivalëve katalanas në garën e zjarrtë për titullin e kampionit. Përballja e madhe mes Barcelonës dhe Real Madridit është planifikuar të luhet të dielën, më 25 tetor, me fillim nga ora 20:00.