Revista prestigjioze publikon listën: 10 yjet e futbollit që fitojnë më shumë para në vitin 2026

Përfaqësimi i fuqishëm i Real Madridit bën bujë në listën e dhjetë lojtarëve me përfitimet më të larta financiare në rruzull për vitin 2026, sipas të dhënave të fundit të pasqyruara nga revista e njohur Forbes. Kylian Mbappé, Vinícius Júnior dhe Jude Bellingham janë tre protagonistët e gjigantit madrilen që sigurojnë vend në këtë elitë ekonomike sportive, ndërkohë që kreu i renditjes mbetet i pandryshuar në duart e dyshes legjendare Cristiano Ronaldo dhe Lionel Messi. Në bazë të përllogaritjeve të Forbes, ylli portugez Cristiano Ronaldo vazhdon të udhëheqë bindshëm me të ardhura marramendëse prej 300 milionë dollarësh, i ndjekur nga argjentinasi Lionel Messi, i cili arkëton 145 milionë dollarë. Podiumin e mbyll francezi Kylian Mbappé në vendin e tretë me 100 milionë dollarë, ndërsa pozita e pestë i takon brazilianit Vinícius Júnior me 76 milionë dollarë. Ndërmjet tyre, në vendin e katërt, renditet sulmuesi norvegjez i Manchester Cityt, Erling Haaland, me 85 milionë dollarë. Ndërkaq, anglezi Jude Bellingham pozicionet i teti me 45 milionë dollarë. Lista e plotë e 10 futbollistëve më të paguar për vitin 2026: 1. Cristiano Ronaldo – 300 milionë dollarë 2. Lionel Messi – 145 milionë dollarë 3. Kylian Mbappé – 100 milionë dollarë 4. Erling Haaland – 85 milionë dollarë 5. Vinícius Júnior – 76 milionë dollarë 6. Lamine Yamal – 55 milionë dollarë 7. Sadio Mané – 54 milionë dollarë 8. Jude Bellingham – 45 milionë dollarë 9. Harry Kane – 42 milionë dollarë 10. Mohamed Salah – 40 milionë dollarë Vlen të theksohet se këto shifra përfshijnë jo vetëm rrogat e majme që sportistët përfitojnë nga kontratat me klubet respektive, por gjithashtu edhe të ardhurat e gjeneruara nga fushatat publicitare, sponsorizimet dhe marrëveshjet e ndryshme komerciale.