Hargreaves takon komandantin e ri të KFOR-it: Theksohet rëndësia e stabilitetit në vend

Ambasadori i Mbretërisë së Bashkuar në Kosovë, Jonathan Hargreaves, ka zhvilluar një takim me komandantin e ri të KFOR-it, gjeneralmajorin Roberto Vergori. Gjatë këtij takimi, dy bashkëbiseduesit trajtuan rëndësinë e misionit paqeruajtës në garantimin e sigurisë dhe qetësisë anembanë vendit. Nëpërmjet një njoftimi të shpërndarë në rrjetin social Facebook, diplomati britanik vuri inë pah angazhimin e palëkundur të shtetit të tij ndaj operacioneve të KFOR-it. “Mbretëria e Bashkuar është krenare për kontributin e saj të gjatë në KFOR dhe mbetet e përkushtuar fort për të mbështetur misionin e saj”, ka shkruar ambasadori.