Samiti i Budvës, kancelari gjerman Friedrich Merz: Dhuna nuk guxon të jetë kurrë zgjidhje

Kancelari gjerman, Friedrich Merz, ka theksuar sot nga Budva, gjatë Samitit të Procesit të Berlinit, se tensionet dhe polarizimi politik nuk mund të shërbejnë si përgjigje ndaj sfidave aktuale me të cilat përballet rajoni. Gjatë fjalimit të tij në seancën plenare të titulluar “Një rajon në lëvizje: Ballkani Perëndimor duke formësuar të ardhmen e përbashkët të Evropës”, kryeverifikuesi i shtetit gjerman bëri thirrje të fortë për intensifikimin e dialogut, ruajtjen e stabilitetit dhe përshpejtimin e reformave të nevojshme. “Të gjithë i shohim protestat në mbarë rajonin, në mbarë Evropën dhe në vendet tona. Dhe këto protesta japin një mesazh të qartë: duhet të vazhdojmë me procesin e zgjerimit dhe duhet të sigurohemi që qytetarët tanë të përfitojnë prej tij”, u shpreh ai para të pranishmëve. Duke u ndalur te situata e sigurisë, Merz u tregua i prerë se aktet e dhunës duhet të përjashtohen plotësisht nga çdo palë e përfshirë. “Më lejoni të jem i qartë për dy çështje. Së pari, kur përballemi me protesta në BE apo këtu në rajon, dhuna nuk duhet të jetë kurrë një alternativë nga asnjëra palë. Së dyti, për përmbushjen e gjithë këtyre është veçanërisht e vështirë nëse e kaluara na mban tërësisht peng”, shtoi ai më tej. Në fund të fjalës së tij, kancelari gjerman paralajmëroi se diskursi përçarës dëmton të ardhmen e përbashkët, duke pohuar se “retorika përçarëse apo polarizimi në rritje nuk do të na çojnë një një Evropë më të sigurt, më të lirë dhe më të begatë. Dhe historia nuk do t’i gjykojë me dashamirësi ata që përçajnë në këto kohë të ndërlikuara”.