Kos: Muajt në vijim, pikë kthese për të ardhmen e Kosovës dhe Ballkanit Perëndimor

Komisionerja e Bashkimit Evropian për Zgjerim, Marta Kos, po merr pjesë punimet e Samitit të Procesit të Berlinit, i cili po zhvillohet në Mal të Zi. Gjatë prononcimit të saj për gazetarët, ajo theksoi se periudha që po vjen do të jetë vendimtare jo vetëm për Kosovën, por edhe për Shqipërinë, Serbinë dhe në veçanti për Malin e Zi. “Do të kemi javë dhe muaj që do të jenë përcaktues, sidomos për Malin e Zi, drejt përmbylljes së proceseve të integrimit. Kemi edhe zgjedhjet të dielën në Serbi. Janë [javë] definuese për Shqipërinë për ta ruajtur shtegun e tyre të integrimit, por është edhe zgjedhje definuese edhe për Kosovën, në kuptimin e përmbajtjes kundrejt të drejtës ndërkombëtare dhe obligimeve ndërkombëtare që ka marrë përsipër”, u shpreh Kos.