Policia e Kosovës ka njoftuar për aksidentin tragjik që ndodhi dje në fshatin Terstenik të Drenasit, ku humbi jetën një i ri që kishte ardhur nga Austria për pushime. Ngjarja ndodhi më 17 prill 2025, rreth orës 15:07, kur një veturë u përplas me një motoçikletë, transmeto portali DrenicaOnline. Si pasojë e aksidentit, drejtuesi i motorit, Adion Mulaj, ka ndërruar jetë në vendin e ngjarjes, ndërsa pasagjeri që ndodhej me të ka pësuar lëndime trupore. Policia konfirmon se me vendim të prokurorit, trupi i pajetë është dërguar për obduksion, ndërsa drejtuesi i veturës, i dyshuar për shkaktimin e aksidentit, është arrestuar dhe pas intervistimit është dërguar në mbajtje. Adion Mulaj, i riu që ndërroi jetë tragjikisht, kishte ardhur nga Austria për disa ditë në vendlindje, por udhëtimi i tij përfundoi me tragjedi./DrenicaOnline/ Shpërndaje këtë lajm në: