Kryeministri Kurti mbledh në takim diplomatët perëndimorë dhe krerët e misioneve ndërkombëtare në vend

Kryeministri i Republikës së Kosovës, Albin Kurti, ka zhvilluar një takim me udhëheqësin e Zyrës së Bashkimit Evropian, drejtorin e misionit të EULEX-it, si dhe me ambasadorët e shteteve anëtare të BE-së dhe atë të Mbretërisë së Bashkuar. Gjatë këtij takimi, kreu i ekzekutivit është uruar për zgjedhjen e presidentes dhe për konsolidimin e institucioneve, çka sipas palëve shënon rikthimin e stabilitetit dhe hap rrugën për zbatimin e plotë të planeve dhe prioriteteve qeverisëse për mandatin e ri.