Paralelet me Romën e lashtë: Ilir Ikonomi thumba të forta ndaj Ramës për shpërblimin e policëve

Gazetari i njohur Ilir Ikonomi ka përdorur ngjarje nga Roma e lashtë për të ironizuar vendimin e kryeministrit Edi Rama, i cili akordohet me një shpërblim prej 2500 eurosh për efektivët e Policisë së Shtetit që shërbyen në terren gjatë protestave studentore, periudhë kjo e shënuar edhe nga përdorimi i dhunës ndaj të rinjve. Në reagimin e tij, Ikonomi e krahason këtë vendim me praktikat e lashta perandorake të blerjes së besnikërisë përmes parasë. Sipas tij, shpërblimet e majme për forcat e rendit shërbejnë si një mekanizëm për të garantuar mbrojtjen e pushtetit. Duke iu referuar dokumentimit historik të historianit romak Suetoni, Ikonomi kujton se në vitin 41 pas Krishtit, perandori Klaudi ishte i pari që përdori ryshfetin, duke u premtuar nga 15.000 sesterce ushtarëve të gardës për të siguruar mbështetjen e tyre në ngjitjen në fron. Gazetari vë inatin e tij në ngjashmëritë numerike dhe praktikat e kohërave, duke përmendur gjithashtu vitin 193 pas Krishtit, kur pas vrasjes së perandorit, pretendenti Didius Julianus u premtoi ushtarëve 25.000 sesterce për ta shpallur perandor, shifër që sipas tij përkon në mënyrë simbolike me vlerën e tanishme prej 2500 eurosh. Në mbyllje të reagimit të tij, Ikonomi thekson se për buxhetin e shtetit shqiptar, që sipas tij përballet me abuzime të vazhdueshme, shuma prej 2500 eurosh është e papërfillshme, veçanërisht kur përdoret për të garantuar mbrojtjen e atij që diskutohet si "njeriu i vetëm" që gjoja do ta orientojë vendin drejt Bashkimit Evropian.