Në fokus OKB-ja: Kryeministri Rama flet sot në hapjen e Asamblesë së Përgjithshme

Kryeministri Edi Rama, i cili ndodhet në Shtetet e Bashkuara të Amerikës që prej ditës së shtunë, do të ngjitet sot në foltoren e Kombeve të Bashkuara. Fjala e tij para Asamblesë së Përgjithshme është parashikuar të nisë rreth orës 17:00 me orën lokale, respektivisht në orën 23:00 sipas kohës sonë lokale. Kreu i Qeverisë shqiptare do të mbajë fjalimin e tij pikërisht në nisje të debatit të këtij sesioni të lartë. Gjatë agjendës së tij transatlantike deri më tani, kreu i ekzekutivit ka pasur në fokus edhe diasporën, ku është takuar me përfaqësues të komunitetit shqiptar në Michigan. Programi zyrtar i vizitës së tij në tokën amerikane përfshin gjithashtu një sërë takimesh bilaterale me personalitete nga fusha e politikës, ekonomisë, si dhe me drejtues të organizatave të ndryshme ndërkombëtare. Sesioni aktual i Asamblesë së Përgjithshme të OKB-së zhvillon punimet e tij në periudhën 22-28 shtator. Gjatë këtij udhëtimi zyrtar, kryeministri Rama shoqërohet nga bashkëshortja e tij, Linda Rama, si dhe nga anëtarët e delegacionit zyrtar shqiptar. Ndërkaq, një vëmendje e madhe dhe interes i lartë mbetet te përmbajtja e fjalimit të tij, veçanërisht për të pará nëse në fjalën e tij do të gjejë hapësirë çështja e ish-liderëve të Ushtrisë Çlirimtare të Kosovës (UÇK).