Sylvinho mbetet i habitur nga Lamine Yamal: Ajo që po bën ai në fushë nuk është normale

Komuniteti ndërkombëtar i futbollit po përballet me mungesë fjalësh për të përshkruar paraqitjet fantastike të yllit të Barcelonës, Lamine Yamal, i cili shkëlqen javë pas jave. Kësaj vale vlerësimesh i është bashkuar edhe ish-trajneri i Kombëtares së Shqipërisë dhe ish-mbrojtësi i njohur i katalanasve, Sylvinho, i cili ka thurur elozhe për talentin spanjoll, duke pranuar se progresi i jashtëzakonshëm i 19-vjeçarit vazhdon ta lërë pa fjalë. Skuadra e drejtuar nga Hansi Flick dhe Lamine Yamal po përgatiten intensivisht për supersfidën e Ligës së Kampionëve kundër PSG-së së Luis Enriques, ku i gjithë vëmendja do të jetë e përqendruar te sulmuesi i ri. Gjatë një prononcimi për emisionin “La Tribu” të “Radio MARCA”, Sylvinho e cilësoi Yamalin si një lojtar fenomenal, aftësitë e të cilit për të lexuar lojën janë mbresëlënëse. “Ajo që po bën ai nuk është normale. Lojtarë të tillë janë ndryshe, shumë ndryshe”, u shpreh ish-anëtari i prapavijës së Barcelonës. Sipas brazilianit, Lamine po shndërrohet në një futbollist gjithnjë e më të plotësuar me kalimin e ndeshjeve, ndërsa procesi i tij i vendimmarrjes po përmoset ndjeshëm falë eksperiencës që po fiton në fushë. “Ai po fiton përvojë, e di se ku duhet të shkojë dhe ku jo. Ai vazhdon të rritet”, shtoi ai. Gjithashtu, Sylvinho theksoi se shkathtësia e Lamine Yamalit i jep atij mundësinë që të mbulojë me sukses disa pozicione të ndryshme në fushë. Talenti spanjoll është transformuar në një armë të frikshme sulmuese, kontributi i së cilës nuk kufizohet vetëm te driblimet apo arkitektura e rasteve për shënim. Evolucioni i tij taktik nën urdhërat e Hansi Flickut ka qenë mjaft interesant për t'u ndjekur. Nga një anësor klasik që qendronte ngjitur me vijën anësore, gjatë këtij sezoni 19-vjeçari po vepron gjithnjë e më shumë në hapësirat e brendshme të sulmit, duke u futur nga krahët drejt zonës qendrore. Në fjalën e tij, Sylvinho nuk i kurseu as superlativat për orientimin sulmues të trajnerit Flick, duke e cilësuar Barcelonën si një kundërshtar tejet të rrezikshëm. Ai vlerëson se përballja evropiane mes spanjollëve dhe francezëve vë përballë dy kolektiva me potencial real për të prekur fazën përfundimtare të turneut. “Të dyja. Janë skuadra të jashtëzakonshme. Kjo mund të jetë finalja e Ligës së Kampionëve”, deklaroi ai i pyetur rreth forcës së dy ekipeve. Tifozi neutral pret me padurim spektaklin në “Parc des Princes”, mes dy skuadrave që ndajnë qasje të ngjashme ndaj lojës. Megjithatë, Sylvinho u tregua dukshëm më i matur dhe rezervuar kur bëhet fjalë për “El Clasico”-n e së dielës kundër Real Madridit. Ai paralajmëroi se momenti i shkëlqyer i Barçës në kampionat mund të mos ketë peshë përballë potencialit të jashtëzakonshëm individual që zotëron skuadra e drejtuar nga Jose Mourinho. Edhe pse skema sulmuese e Flickut ka dhënë rezultate fantastike deri më tani, përballja me PSG-në premton të jetë një provë e vështirë. Vlerësimet e Sylvinhos për ish-klubin e tij dhe për Lamine Yamal përbëjnë një konfirmim të vërtetë të vlerave, ndërsa mbetet për t'u parë se si do të paraqitet 19-vjeçari përballë elitës franceze.