Përplasje në Komisionin për Shëndetësi: Opozita kërkon llogaridhënie nga ministri Vitia dhe drejtori Azizi

Një ftesë zyrtare drejtuar ministrit të Shëndetësisë, Arben Vitia, si dhe drejtorit të Shërbimit Spitalor Klinik dhe Universitar të Kosovës, Elvir Azizi, për të raportuar para Komisionit për Shëndetësi gjatë muajit nëntor, ka shkaktuar debate të nxehta mes ligjvënësve të opozitës dhe atyre të partisë në pushtet, Lëvizjes Vetëvendosje. Diskutimet e ashpra u zhvilluan gjatë mbledhjes së këtij komisioni parlamentar të mbajtur ditën e martë, ku u vu theksi te nevoja e mbikëqyrjes së punës së institucioneve shëndetësore dhe menaxhimit të situatës në këtë sektor.