Edi Rama reagon me video nga Kryeministria pas dëmtimit të karrigeve të dialogut nga protestuesit

Kryeministri i Shqipërisë, Edi Rama, ka publikuar një video-mesazh nga ambientet e zyrës së tij, pasi protestuesit në shesh kanë shkatërruar karriget e vendosura prej tij si simbol i ftesës për dialog. Në reagimin e tij, kreu i ekzekutivit shqiptar ka ngritur dilemën se me kë mund të zhvillohet një proces dialogu, në kushtet kur palë tjetër refuzon çdo formë komunikimi. "Dorëheqje, poshtë diktatura, poshtë komunizmi, s’duam dialog, deri tani këto janë idetë e pedagogëve e intelektualëve që janë mbledhur këtu poshtë", ka shkruar Rama.