Rama u përgjigjet protestuesve: Ja qëndrimi im ndaj refuzimit për dialog

Kryeministri Edi Rama ka reaguar sërish në lidhje me situatën e tensionuar që po zhvillohet në ambientet përpara godinës së Kryeministrisë. Përmes një publikimi në rrjetet sociale, kreu i qeverisë ka lënë të kuptohet se po e ndjek nga zyra e tij protestën e zhvilluar nga pedagogët dhe studentët, të cilët deri në këto momente kanë shfaqur hezitim për t'iu bashkuar tryezës së diskutimeve. “Për të gjithë ata që shprehin vullnet për dialog, unë dhe qeveria jemi plotësisht në dispozicion. Deri në këto çaste, këto janë idetë e pedagogëve dhe intelektualëve që janë mbledhur këtu poshtë”, ka deklaruar Rama në mesazhin e tij.