Në Vjenë, Osmani jep mesazhin e fuqishëm: Historinë e ndryshojnë qytetarët e zakonshëm, jo vetëm udhëheqësit

Gjatë një fjalimi të mbajtur në kryeqytetin austriak, Vjenë, në kuadër të kremtimit të njëshekullorit të Kongresit të Paneuropës, ish-presidentja Vjosa Osmani ka përcjellë një mesazh kuptimplotë për fuqinë e popullit në momentet kthyese të historisë. Në fjalën e saj, e cila u zhvillua në këtë ngjarje të rëndësishme për tetorin e vitit 2026, Osmani bëri një retrospektivë të përpjekjeve të Kosovës, duke nisur nga periudha e pasluftës e deri te konsolidimi i shtetësisë demokratike. Ajo vuri në dukje sfidat e jashtëzakonshme që ka kaluar vendi, duke veçuar sakrificën për të mbajtur gjallë procesin arsimor gjatë rrethimit dhe bombardimeve, në mjedise tejet sfiduese. "Kam parë një komb të dalë nga lufta dhe të ndërtojë një shtet demokratik nga hiri. Kam parë klasa të ndërtuara në tenda dhe arsimin të zhvillohet nën bombardime dhe i rrethuar nga tanket, por kjo u bë pikënisja e së ardhmes së së një brezi të tërë. Dhe kam mësuar se historia nuk lëviz vetë. Nuk lëviz vetëm nga presidentët, kryeministrat dhe qeveritë. Në fakt, në çastet më vendimtare të një kombi, historinë e ndryshojnë njerëzit më të zakonshëm, të cilët vendosin të thonë: mjaft! Mjaft me urrejtjen, mjaft me frikën, mjaft me autokracinë, mjaft me propagandën…", deklaroi ndër të tjera ish-presidentja Osmani.