Prishja e gypit lë pa ujë disa rrugë në “Bregun e Diellit”, sanimi zgjat deri nesër

Banorët e disa prej rrugëve në lagjen “Bregu i Diellit” në kryeqytet po përballen me ndërprerje të përkohshme të furnizimit me ujë të pijshëm, si pasojë e dëmtimit të një tubacioni të ujësjellësit me diametër DN 150 milimetra. Sipas informacioneve zyrtare, reduktimi i ujit ka prekur drejtpërdrejt rrugët “Hyzri Talla”, “Ilir Durmishi”, “Besa”, “Fadil Ferati”, si dhe zonën përreth qendrës tregtare në këtë pjesë të qytetit. Ndërkohë, Kompania Rajonale e Ujësjellësit “Prishtina” ka bërë të ditur se natyra e ndërlikuar e ndërhyrjes për riparimin e defektit kërkon kohë, ndaj normalizimi i furnizimit dhe rikthimi i ujit në çezma pritet të ndodhë gjatë ditës së nesërme.