Aksident rrugor në Lluzhan të Podujevës: Ka të lënduar dhe kolona kilometrike

Një aksident trafiku ka ndodhur gjatë mbrëmjes së sotme në fshatin Lluzhan të Komunës së Podujevës, duke sjellë pasoja në njerëz dhe materiale. Sipas të dhënave të para nga terreni, si pasojë e përplasjes mes automjeteve ka persona të lënduar, ndërkohë që janë shkaktuar edhe dëme të konsiderueshme materiale. Deri më tani, autoritetet nuk kanë dhënë detaje shtesë rreth shkaqeve apo numrit të saktë të të lënduarve. Në vendin e ngjarjes kanë mbërritur menjëherë njësitet policore, të cilat po merren me ekzaminimin e skenës dhe po kryejnë hetimet paraprake për të zbardhur rrethanat e plota që çuan në këtë ngjarje. Si pasojë e këtij incidenti rrugor, në aksin rrugor Lluzhan–Batllavë janë krijuar kolona të gjata automjetesh, duke vështirësuar qarkullimin normal të mjeteve për udhëtarët që kalojnë në këtë zonë.