Kriza në Francë: Qeveria mblidhet urgjentisht pas natës më të dhunshme të protestave

Ekzekutivi francez dhe aktorët kryesorë politikë po mbajnë takime emergjente për t'i dhënë fund valës së paprecedentë të dhunës që ka përfshirë shtetin, pas përshkallëzimit më të rëndë të protestave masive deri më tani. Këto tubime urgjente pasojnë aksionin policor të një dite më parë, ku mbi 2.000 persona u vunë në pranga për shkak të përfshirjes në trajira, gjatë të cilave u dogjën dhe u dëmtuan rëndë ndërtesa publike, monumente historike, automjete dhe biznese private. Ndërkohë, përfaqësues të forcave politike kanë kërkuar shkarkimin e ministrit të brendshëm, Laurent Nuñez, duke theksuar se strukturat e sigurisë u treguan të papërgatitura për shkallën e dhunës së regjistruar të shtunën, e cila solli dëme materiale me vlerë miliarda euro. Nga ana e tyre, zyrtarë shtetërorë kanë deklaruar në media se ngjarjet e fundjavës nuk përbëjnë revoltë qytetare, por bëhet fjalë për skenarë të mirëfilltë të organizuar dhe të nxitur nga faktorë të jashtëm. Edhe sipas pronarëve të bizneseve të prekura nga dëmet, situata nuk ka lidhje me tubimet paqësore, por me grupe kriminale plaçkitësish që shfrytëzojnë gjendjen e kaosit për përfitime të paligjshme. Analizat e mediave vendase ndahen në fajësimin e grupeve të ekstremit të majtë, nga njëra anë, dhe kritikimin e komunitetit të migrantëve e qasjes tolerante të qeverisë, nga ana tjetër. Përballë kësaj situate alarmante, qeveria me seli në Paris po shqyrton seriozisht mundësinë e vendosjes së gjendjes së jashtëzakonshme kombëtare si masë përfundimtare për të rikthyer rendin dhe sigurinë.