Ramabaja lëshon kritika të ashpra: Protestat nuk duhet të kalojnë në vandalizëm ndaj simboleve kombëtare

Analisti politik Sadri Ramabaja ka adresa kritika të forta lidhur me zhvillimet e fundit në protestat në Shqipëri, duke shprehur shqetësimin e tij për dëmtimin e mundshëm të institucioneve shtetërore dhe trashëgimisë kulturore. Nëpërmjet një reagimi publik, ai ka bërë thirrje që tubimet qytetare të ruajnë karakterin e tyre paqësor dhe të arsyeshëm, pa rënë pre e akteve që dëmtojnë identitetin kombëtar. Sipas tij, shteti dhe kultura janë vlera të përhershme të kombit. "Institucionet e Shtetit, sa edhe monumentet e kulturës, janë vetë Shteti; ato i përkasin Kombit, përjetësisë", ka shprehur ai në mesazhin e tij. Ramabaja ka nënvizuar se revoltës qytetare nuk i lejohet në asnjë mënyrë të degradojë dhe të humbasë sensin e logjikës dhe të përgjegjësisë qytetare. Ai ka shtuar se këto pasuri kombëtare kërkojnë mbrojtje të vazhdueshme, vlerësim dhe kujdes të shtuar nga të gjithë. Në fund, duke iu referuar një incidenti të ndodhur në qytetin e Lezhës, ku u cënua simboli i Lahutës së Malësisë, analisti ka theksuar se ngjarje të tilla dëshmojnë mangësi të theksuara në sistemin tonë arsimor dhe edukativ.