Tri pikë të arta për Prishtinën, mposht Ballkanin në udhëtim

Prishtina ka realizuar një triumf me peshë në udhëtim ndaj Ballkanit, duke triumfuar ndaj skuadrës nga Suhareka me rezultatin minimal 0–1, në kuadër të xhiros së 10-të të Albi Mall Superligës së Kosovës në futboll. Heroi i bardhekaltërve në këtë sfidë doli të jetë futbollisti Ahmeti, i cili gjeti rrugën e rrjetës dhe shënoi golin e vetëm dhe të fitores në minutën e 48-të të takimit. Falë këtij suksesi, skuadra e kryeqytetit arkëton tri pikë të reja dhe ngjitet në kuotën e 23 sosh, duke u barazuar me Malishevën që mban kreun e renditjes tabelare. Në krahun tjetër, Ballkani dëshpëron para tifozëve të vet, duke marrë një humbje që e lë pa pikë nga ky duel i zhvilluar në stadiumin vendas.