Formë e lartë në Ukrainë: Baton Zabërgja shënon golin e shtatë dhe feston me shqiponjë

Sulmuesi nga Kosova, Baton Zabërgja, po kalon një periudhë fantastike në karrierën e tij, duke konfirmuar formën e jashtëzakonshme që po kalon në kampionatin ukrainas. Në kuadër të javës së nëntë të elitës së futbollit të Ukrainës, 25-vjeçari ka dërguar sërish topin në rrjetë për FC Kharkiv, duke realizuar golin e tij të shtatë këtë edicion. Ky realizim erdhi në minutën e 36-të përmes një goditjeje shumë të bukur, ndërkohë që skuadra e tij ishte në epërsi prej 2:1 përballë Livyi Bereg. Pas tundjes së rrjetës, lojtari i Kombëtares së Kosovës zgjodhi të festojë në një mënyrë të veçantë para tifozëve të pranishëm, duke duartrokitur publikun dhe duke formuar shqiponjën dykrenare me duar. Vlen të theksohet se përveç kontributit vendimtar me gol, Zabërgja ka regjistruar edhe një asistim gjatë kësaj përballjeje, duke dëshmuar edhe një herë rëndësinë e tij kyçe në skemat e skuadrës.