Protestat mund të rikthehen, Haziri: Kërkesat tona mbeten të panegociueshme

Çlirim Haziri, organizator i tubimit “Jo në emrin tim!”, ka bërë të qartë se pavarësisht pezullimit të protestave në sheshe, nisma e tyre nuk është tërhequr nga qëllimet e shpallura fillimisht. Gjatë një deklarate publike, ai ka paralajmëruar se nëse organet shtetërore vazhdojnë të tregojnë indiferencë dhe të shmangin përgjegjësinë përmes heshtjes, protestuesit do të rikthehen për të kërkuar llogaridhënie. “Fakti që ne nuk jemi çdo natë në shesh, nuk do të thotë që kemi hequr dorë nga kërkesat tona”, ka u shpreh Haziri. Më tej, ai ka theksuar se çdo hap i institucioneve do të monitorohet me vëmendje të lartë. “Përkundrazi, do ta ndjekim çdo vendim, do ta vlerësojmë çdo veprim, do të kërkojmë përgjigje për çdo zotim institucional, dhe nëse institucionet tona zgjedhin heshtjen në vend të përgjegjësisë, ne e ruajmë të drejtën tonë për të qëndruar këtu në shesh, për të protestuar e kërkuar llogari”, u shpreh ai.