Sulmi ndaj selisë së PS, Balla shpërthen ndaj Berishës: Janë protestues të paguar, largoji menjëherë

Kryetari i Grupit Parlamentar të Partisë Socialiste, Taulant Balla, ka dalë me një reagim të fortë pas incidentit të regjistruar në fasadën e selisë së kësaj force politike në kryeqytet. Nëpërmjet një postimi në rrjetet sociale, Balla i ka bërë thirrje publike liderit të Partisë Demokratike, Sali Berisha, që të urdhërojë menjëherë largimin e protestuesve të pozicionuar para godinës rosa. Sipas zyrtarit të lartë socialist, protestat e dhunshme që po ndodhin prej gjashtë ditësh në Tiranë janë të orkestruara drejtpërdrejt nga Berisha. "O Sali, largoji urgjent njerëzit që çove tek selia e Partisë Socialiste! Janë të gjithë njerëzit e tu të paguar nga ti dhe nga Agron Shehaj, Arlind Qorrri dhe duart e huaja. Kush donte prova e kujt është protesta besoj e mor", ka deklaruar Balla në mesazhin e tij.