Festa e Gështenjës në Deçan, Haradinaj lartëson punën e fermerëve dhe ruajtjen e traditave

Kryetari i AAK-së, Ramush Haradinaj, është bërë pjesë e manifestimit tradicional “Dita e Gështenjës” që u mbajt në qytetin e Deçanit. Nëpërmjet një adresimi në rrjetet sociale, ai e ka vlerësuar këtë ngjarje si një dëshmi të qartë të trashëgimisë ndërbrezore dhe lidhjes së pandashme të vendasve me tokën dhe punën bujqësore. "Një festë që është vazhdimësi e traditës që është trashëguar brez pas brezi në Deçan, duke dëshmuar lidhjen e fortë që kemi me tokën, punën dhe trashëgiminë tonë. Mirënjohje ndaj kryetarit Ramosaj për përkushtimin e tij dhe ndaj fermerëve që kontribuojnë në zhvillimin e Deçanit", ka shkruar Haradinaj në mesazhin e tij.