Vjen ndryshimi i motit: Çfarë na pret gjatë pesë ditëve të ardhshme

Instituti Hidrometeorologjik i Kosovës ka bërë të ditur se përgjatë periudhës 19–23 tetor 2026, vendi ynë do të përfshihet nga kushte atmosferike të ndryshueshme, ku do a mbizotërojnë vranësirat dhe intervalet me diell. Reshjet e shiut parashihen të shfaqen kryesisht gjatë ditës së martë, ndërsa të enjten dhe të premten, në disa rajone të caktuara, vranësirat mund të shoqërohen me reshje të dobëta shiu. Sipas të dhënave nga IHMK, vlerat termike do të ruajnë një butësi relative për këtë stinë, duke shënuar vetëm luhatje të lehta nga njëra ditë në tjetrën. Sa i përket erës, ajo do të fryjë kryesisht nga kuadratit jugperëndimor dhe veriperëndimor, duke ruajtur shpejtësi të ulët deri mesatare. Parashikimi i motit për pesë ditët e ardhshme: E hënë, 19 tetor: Moti do të karakterizohet nga vranësira dhe intervale kohore me diell. Termometri do të shënojë vlera minimale prej 1 deri në 4°C, kurse ato maksimale do të lëvizin nga 15 deri në 19°C. Era do të fryjë nga veriperëndimi me një shpejtësi prej 1–3 m/s. E martë, 20 tetor: Pritet mbizotërim i vranësirave dhe reshje shiu në pjesë të ndryshme të territorit. Temperaturat minimale do të zbresin në 4 deri në 7°C, kurse maksimalet do të ngjiten ndërmjet 16 dhe 20°C. Era do të fryjë nga jugperëndimi me shpejtësi 1–3 m/s. E mërkurë, 21 tetor: Moti do të jetë i vranët, por shoqëruar me intervale të herëpashershme me diell. Minimalet do të variojnë nga 3 deri në 6°C, ndërsa maksimalet do të shënojnë 17 deri në 21°C. Era do të fryjë nga jugperëndimi me shpejtësi 1–4 m/s. E enjte, 22 tetor: Parashikohet mot me diell dhe vranësira të shpërndara. Në disa zona, vranësirat mund të sjellin reshje të izoluara shiu. Temperaturat minimale do të lëvizin ndërmjet 4 dhe 7°C, ndërsa ato maksimale do të arrijnë nga 17 deri në 21°C. Era do të fryjë nga jugperëndimi me shpejtësi 1–6 m/s. E premte, 23 tetor: Moti do të paraqitet me diell dhe vranësira të ndryshueshme. Gjatë orëve të ditës pritet shtim i vranësirave, të cilat në disa zona do të krijojnë kushte për reshje shiu. Vlerat minimale do të lëvizin nga 4 deri në 9°C, ndërsa maksimalet do të zbresin në 14 deri në 17°C. Era do të fryjë nga veriperëndimi me shpejtësi 1–5 m/s. Kushtet biometeorologjike: Gjatë kësaj periudhe, situata biometeorologjike do të jetë përgjithësisht e favorshme për shumicën e popullatës. Temperaturat relativisht të buta dhe intervalet me diell do të jenë të përshtatshme për qëndrim dhe aktivitete në ambient të hapur. Megjithatë, gjatë ditëve me vranësira dhe reshje shiu, lagështia e shtuar e ajrit mund të ndikojë te personat e ndjeshëm ndaj ndryshimeve atmosferike, veçanërisht te ata me sëmundje kronike reumatike dhe të frymëmarrjes. Gjatë mëngjesit, temperaturat e ulëta mund të japin ndjesi freskie, prandaj këshillohet veshje e përshtatshme. Kushtet agrometeorologjike: Kushtet meteorologjike do të jenë të volitshme për zhvillimin e punëve dhe aktiviteteve bujqësore sezonale. Reshjet e shiut, aty ku do të shfaqen, do të ndihmojnë në lagështimin e tokës dhe plotësimin e nevojave për ujë të kulturave bujqësore. Megjithatë, në rajonet ku reshjet do të mungojnë ose do të jenë të pakta, gjendja e lagështisë së tokës do të kërkojë vlerësim të kujdesshëm për nevojat e ujitjes.