Dyshohet për kontrabandim me migrantë: Ndalohet makina me gjashtë shtetas nga Bangladeshi në Viti

Zyrtarët e Policisë së Kosovës kanë goditur një rast të dyshuar të kontrabandimit me migrantë në fshatin Dobresh të komunës së Vitisë, ku kanë lokalizuar një automjet në të cilin udhëtonin shtatë persona. Ngjarja ka ndodhur të shtunën, kur pjesëtarët e patrullës policore kanë ndaluar makinën për një kontroll rutinë. Gjatë procedurës së verifikimit të dokumenteve, organet e rendit kanë identifikuar ngasësin e mjetit, i cili është shtetas i Kosovës, si dhe gjashtë pasagjerët e tjerë me origjinë nga Bangladeshi, të cilët kishin hyrë në mënyrë të paligjshme në territorin e vendit.