E diel me diell dhe mot të qetë: Çfarë parashikojnë meteorologët për fundjavën

Këtë të diel, territori i vendit tonë do të përfshihet nga kushte atmosferike kryesisht të qëndrueshme dhe intervale me diell. Sipas parashikimeve, moti do të paraqitet i kthjellët në pjesën dërrmuese të vendit, ndërsa vranësirat kalimtare do të jenë të pranishme vetëm në zonat malore të veriut dhe të lindjes, duke qenë nga të pakta deri mesatare. Sa i përket erës, ajo do të fryjë nga drejtimi verilindje-veriperëndim, me një shpejtësi mesatare që do të arrijë deri në 6 metra për sekondë. Ndërkohë, situata në det do të jetë e qetë, me një valëzim të ulët që lëviz nga fuqia 1 deri në 2 ballë.