Tension në bulevard: Përplasen deputeti Agron Shehaj dhe kreu i Policisë së Shtetit, lëndohet Erald Kapri

Përplasjet në distancë dhe ato fizike kanë karakterizuar protestën e sotme në kryeqytet, ku Drejtori i Përgjithshëm i Policisë së Shtetit, Skender Hita, është gjendur në bulevard gjatë zhvillimit të tubimit. Aty ai është ndeshur me deputetët e Partisë Mundësia, Agron Shehaj dhe Erald Kapri. Situata ka degeneruar në një konfrontim fizik mes dy politikanëve dhe forcave të rendit që përbënin eskortën e Hitat, të cilët kanë bllokuar çdo tentativë të Shehajt dhe Kaprit për t'iu afruar drejtorit të policisë. Pas incidentit, deputeti Agron Shehaj ka folur përfaqësuesve të mediave, duke e cilësuar ngjarjen si skandaloze: “Është e papranueshme të arrestohen minorenë, kanë nxjerrë RENEA-n të armatosur, përse i nxorrën? E keni parë çfarë ka ndodhur? Kanë dhunuar gjakosur 15-vjeçarë në komisariatin nr.2. Drejtori nuk dha asnjë përgjigje, vetëm dhunë për të mbrojtur Edi Ramën”. Nga ana tjetër, gjatë ndërhyrjes, Erald Kapri ka pësuar lëndime si pasojë e përdorimit të sprajit lotsjellës në drejtim të tij, duke kërkuar menjëherë ndihmën e stafit mjekësor në vendngjarje për marrjen e ndihmës së parë.