“Mjaft me plumbat ndaj të rinjve” – Berisha publikon pamjet e protestuesit 21-vjeçar të plagosur rëndë në fytyrë

Kryetari i Partisë Demokratike, Sali Berisha, ka ngritur alarmin përmes publikimit të fotove të një protestuesi, i cili dyshohet se është plagosur në fytyrë nga predhat e gomës të përdorura nga forcat e rendit. Në imazhin e shpërndarë nga kreu i opozitës shfaqet i riu me dëmtime të dukshme në zonën e gojës, ndërsa ndaj tij është dashur të ndërhyhet mjekësisht për qepjen e plagës. “Vrasës mizorë, ndaloni plumbat mbi studentët! Plumb në gojë Leonardit, 21 vjeç, nga sejmenët e Padrinos! E dënoj me forcën më të madhe këtë akt monstruoz,” ka shkruar Berisha në mesazhin e tij.