Tragjedi në Maliq: 43-vjeçari humb jetën pasi shtypet nga automjeti i tij teksa shkarkonte bagazhin

Një aksident fatal ka tronditur zonën e Maliqit, ku një 43-vjeçar ka gjetur vdekjen në rrethana tragjike, pasi është zënë poshtë nga automjeti që drejtonte. Sipas informacioneve paraprake, ngjarja ka ndodhur në momentin kur viktima kishte ndaluar mjetin dhe po merrej me nxjerrjen e disa orendive apo veshjeve nga pjesa e pasme e tij. Dyshimet e para sugjerojnë se automjeti ka nisur të lëvizë papritur duke rrëshqitur, ndërsa në përpjekje e sipër për ta ndaluar nga pas, 43-vjeçari është përplasur dhe shtypur prej tij. Për shkak të dëmtimeve të rënda dhe goditjes fatale, ai nuk ka mundur t'u mbijetojë plagëve, duke ndërruar jetë në vend. Efektivët e Policisë kanë mbërritur menjëherë në vendin e ngjarjes dhe po punojnë intesivisht për të zbardhur plotësisht dinamikën dhe shkaqet e këtij fatkeqësie.