Tensionet në Bulevardin “Dëshmorët e Kombit”: Përdoret mjet privat kundër policisë dhe qitset breshëri gurësh

Situata në Bulevardin “Dëshmorët e Kombit” ka njohur një tjetër shkallëzim të dhunës gjatë protestës, ku shënjestër e tubuesve janë bërë sërish efektivët e rendit. Grupe protestuesish kanë arritur të vënë në lëvizje një automjet privat, duke e shtyrë atë përgjatë aksit kryesor të bulevardit në drejtim të forcave të policisë. Pas përdorimit të mjetit për sulm, protestuesit i kanë vënë flakën atij, duke bërë që makina të përfshihet nga flakët në mes të rrugës. Ndërkohë, përplasja ka vazhduar me hedhjen e gurëve dhe mjeteve të forta drejt uniformave blu, të cilat janë kundërpërgjigjur duke përdorur ujë dhe gaz lotsjellës për shpërndarjen e turmës.